Opdrachgever: Raad van Europa
Opdrach: vertaoling
Seksime, zuug ‘t, beneum ‘t, stop ’t
Seksime is ‘n väöl besproke oonderwerp en daorum heet ‘t Human Rights Channel vaan de Raod vaan Europa ‘n manifest tege seksisme gemaak. Neve ‘n oetgebreide oetlègk euver ‘t oonderwèrp, bevat ‘t manifest ouch ‘ne kwis boemètste tes in welke maote totste zelf seksistisch bis. Um zoe väöl meugelek Europeaone te bereike, is ‘t manifest in väöl Europese taole. En dat is nog neet alles, ‘t is ouch vertaold in versjèllende regionaole taole, boe-oonder ’t Mestreechs. Veldeke Mestreech moch de Limbörgse vertaoling verzörge, die d’n titel Seksime, zuug ‘t, beneum ‘t, stop ’t kraog.
‘n Bezundere opdrach boe veer mèt väöl plezeer aon höbbe gewèrk.
/jɶˑx/
jäög
Aander verhaole
Trökblik op ‘t vastelaovendssezoen
Dao zien ze weer, De Tempeleers! Neve de jaorlekse Vastelaovendsgezèt, doen veer es Veldeke Mestreech nog mie veur deze sjoen organisatie. Eder jaar prizzentere de Tempeleers hun jaorverslaag roond de 11e vaan de 11e. Zie loere mèt foto’s en verhaole trök op ‘t aofgeloupe carnevalssezoen. Zoe oontsteit ‘n prachteg tiedsdocumint vaan ’t sjoenste fies vaan ‘t jaor. ‘t Is dus neet zoe gek tot ‘t jaorverslaag door väöl Mestreechtenere weurt geleze! Uiteraard is dit jaorverslaag gehiel in ’t Mestreechs gesjreve. Veldeke Mestreech deit al jaore de spellingscorrectie vaan dit jaorverslaag en genete daan weer vaan de trökblik op e sjoen vastelaovendssezoen!
De zuus ze vlege!
In oktober en november späölt ’t Mestreechs Volleks Tejater mer leefs 14 kier hun nuiste produktie Tsjittie Tsjittie Beng Beng. Veldeke Krink Mestreech moch e stökske sjrieve in ’t programbeukske. D’n teks vint g’r hei-oonder:
Keersemes Speurtoch 2024
En...? Höb geer uuch geammeseerd?
Alle antwoorde kinne vinde?
Op dees meneer liert geer eur eige stad op ’n ander meneer kinne.
Hei-oonder vint geer de antwoorde wie ze zouwe mote zien.
Geer maag uuch oonderein dreuver vreigele meh wat hei steit klop.
Veldeke Mestreech Vastelaovends ABC Poster 2025 editie
Na het grote succes van het Veldeke Vastelaovends ABC vorig jaar lanceert Veldeke Krink Mestreech dit jaar de 2025 editie van de gratis verkrijgbare Veldeke ABC poster, mét nieuwe woorden.