Väölgestèlde vraoge

Wie weur iech lid? Wie kin iech Mestreechs liere spreke en sjrieve? Hei vinste de antwoorde op de mies gestèlde vraoge.

Wie kin iech lid weure?

Lid weure kin via dees pagina . De völs ‘t formuleer in en veer make ‘t veur diech in orde. Gei lid weure, meh us wel financieel steune? Weur daan Vrund vaan Veldeke.

Wat is ‘t versjèl tösse Lid en Vrund?

Es lid höbste stumrech op de Algemein Ledevergadering (ALV) en maagste mètbeslisse euver ‘t beleid vaan de vereneging. Es Vrund höbste dat rech neet, meh geneetste wijer wel vaan alle veurdeile! Klik hei veur mie info euver ’t lidmaotsjap en ’t vrunsjap.

Wie kin iech mien gegeves wijzege?

Geef dien wijzeging door via ‘t formuleer op dees pagina. Veer verwèrke dit binne inkel daog

Wie kin iech mie lidmaotsjap opzègke?

Veer vinde ‘t erg jaomer este wèls opzègke, umtot veer diech en de aander leie nudeg höbbe um de Mestreechter taol leveteg te hawwe. Mesjiens is ‘t ‘n idee um Vrund vaan Veldeke Mestreech te weure? Veur mer €18 per jaor steunste us financieel, mèt alle veurdeile vaan ‘t lidmaotsjap. Klik hei veur mie info euver Vrund vaan Veldeke
Wèlste toch opzègke? Klik daan hei

Iech wèl gere (mie) liere euver ’t Mestreechs, kin dat?

Zeker! Loer ‘ns in euze webshop De Kiekoet veur beuk euver ’t Mestreechs. Mel d’ch aon veur euze nuitsbreef vol tips, activiteite en nuits euver ’t Mestreechs. Höbste hölp nudeg bij ‘n vertaoling? Sjakel daan eus Vertaolhölp in.

Wat kos ‘t lidmaotsjap?

De bis Lid vaan Veldeke Mestreech veur €26 per jaor. De bis daan ouch otomatisch lid vaan Veldeke Limburg. ‘n Aander optie is Vrund vaan Veldeke, dat biste al veur €18 per jaor. 
Klik hei veur mie informatie euver ’t lidmaotsjap en eus vrundsjap.

Iech bin lid en wèl vrund weure (of aandersum). Kin dat?

Tuurlek kin dat! Völ heiveur ‘t wijzegingsformuleer  in. De wijzeging geit in vaanaof ‘t nui kalenderjaor.