In september 2026 zien weer 'n aontal 8 deilege cursusse Mestreechs.
– Mestreechs veur beginners: op dinsdagaovend vaanaof 22 september 2026
– Mestreechs klasjenere: op goonsdagaovend vaanaof 23 september 2026
– Mestreechs veur gevorderde: op donderdagaovend vaanaof 24 september 2026
De lèsse zien vaan 19.00-21.30 en op ‘n aander fijn locatie vaan de bieb:
Kumulus Herbenusstraat
Herbenusstraat 89
6211 RB Maastricht
Veer kieke d’r nao oet um mèt uuch te klasjenere en hope uuch dao te treffe!
Nouw, eigelek zjus ’t zelfde es ’t sjrieve vaan eder aander leedsje. ’t Groete versjèl zit ‘m veurnaomelek in ’t thema en de wijs. Daoneve dink iech tot ederein dee e leedsje sjrijf veural ‘ne geistege geis moot höbbe. ’t Winne vaan ’t vastelaovendsleedsje is in gein wäörd te besjrieve. Zeker umtot ’t veur miech d’n ierste kier waor. Dat te kinne deile mèt mien vrun vaan “de Aspergepiepers” waor ouch e sjoen momint. De reis dao naotouw en alles wat denao op diech aofkump, ’t blijf geweldeg. Daan noe ’t perces vaan e leedsje.
Veldgewas is ’n online poëziemagazine wat weurt oetgegeve door Veldeke Limburg. In Veldgewas (nao ’t “weeldreg veldgewas” oet ’t Limburgs volksleed) weure 10 kier per jaor gediechte en korte verhaole gepubliceerd in de Limburgse taol. Alle dialekte vaan Noord tot Zuid in de provincie zien daobij welkom. Meh Mestreech blijf daobij get achter. Veer höbbe wel zoe noe en daan tekste gehad vaan Hortense Brounts, vaan Yuri Michielsen en vaan Wim Kallen (‘ne Mestreechteneer dee noe in Sittard woent). Meh dao blijf ’t daan ouch bij, oonderwijl veer devaan euvertuig zien tot dao väöl mie sjrieftalent in Mestreech moot zitte.
‘t Groet Mestreechs Dictee 2025 dat zoondag 1 juni woort gehawwe in het Centre Céramique is mèt mer 5 foute gewónne door Lei Bovens. De nómmers 2 en 3, Vivianne Rijnders en Manon Vaessen maakde eder mer 11 en 14 foute. Per persoen woorte gemiddeld 32,4 foute in ‘t dictee gemaak. Mie es 90 lui doge mèt aon ‘t dictee.
’t Natuurhistorisch Museum in Mestreech heet op zoondag 18 augustus bij de opening vaan de nui permanente tentoenstèlling ‘Ontmoet Bèr - Mosasaurus Experience’ e nui kinderprintebook ‘Een knipoog van een Mosasaurus’ geprizzenteerd. Dit boek, gesjreve door de bekinde kinderbokesjrijver Jacques Vriens en geïllustreerd door ivan & ilia, is neve ’t Nederlands ouch in ’t Mestreechs versjijnt oonder d’n titel ‘’n Knikoug vaan ’ne mosasaurus’. ’t Book is door Desirée Verbeet same mèt Veldeke Krink Mestreech vertaold.