Beleidsplan 2026–2030: bouwe aon de touwkoms vaan ’t Mestreechs

Tijdens de Algemein Ledevergadering höbbe de leie vaan Veldeke Mestreech ingestump mèt ’t beleidsplan dat ’t bestuur veur de periood 2026–2030 heet geprizzenteerd. In dit plan besjrieve veer wie v’r de koumende jaore wèrke aon ’t versterke, ziechbaar make en doorgeve vaan ’t Mestreechs.

’t Beleidsplan bringk veur ’t iers alle belangrieke oetgangspunte vaan eus organisatie same in ein dokumint. Boe iers informatie verspreid waor euver versjèllende dokuminte, vint me noe eus missie, visie, strategie en organisatie euverziechtelek bijein.

Eus doelstèllinge riechting 2030

Mèt ’t beleidsplan zètte veer in op vijf ambities:

Taolraod: ’n deskundege kemissie die advies gief euver de Mestreechter taol en wèrk aon correcties en vertaolinge.
Greujende organisatie: ’n sterk netwerk vaan minimaol 30 actieve vrijwèllegers die projekte en activiteite realisere.
Projekte: ’t oontwikkele en oetveure vaan minimaol 5 nuie, vernuiende projekte die bijdrage aon eus missie.
Mestreechs in de klas: ’n structurele plaots veur ’t Mestreechs in ’t basisoonderwies, in samewèrking mèt partners.
Digitaol kinnesplatform: ’n centraole online plaots boe ederein terech kin veur informatie euver de Mestreechter taal.

Mèt dees ambities wèlle veer ’n concrete bijdrage lievere aon de breier doelstèlling vaan de Provincie Limbörg: erkinning vaan ’t Limbörgs oonder Deil III vaan ’t Europees Handvest veur regionaol taole of taole vaan minderhede. Euzen inzat op oonderwies, media, cultuur en digitaolisering slut hei direk op aon.

Lees ’t volledege beleidsplan

Nui zien eus kernweerdes en de concrete doelstèllinge veur de koumende vief jaor. Benuid nao alle planne en ambities? Beloer hei ’t volledege beleidsplan:
Beleidsplan

Mètdoen?

Mèt helpe aon de realisatie vaan eus ambities? Weur lid of mètwerker:
Aonmel-/kontakformeleer

Aander verhaole

Poëzieweek kiekoet wandeling

Vaan 29 jannewarie t/m 4 fibberwarie voont de jaorlekse Poëzieweek plaots. Um dit neet zoe mer veurbij te laote goon, organiseerde veer ‘n ‘Veldeke poëzie kiekoet wandeling’: ‘n rót langs 13 versjèllende oondernummers en organisaties in Mestreech die hunne kiekoet umtouverde tot ‘n klein poëziebuun. Op dees pagina deile veer gere de gediechte en mie info euver de sjrijvers.

Lees wijer

Patrick Jaspers: Wie is dat, ’t sjrieve vaan e Mestreechs vastelaovensleedsje?

Nouw, eigelek zjus ’t zelfde es ’t sjrieve vaan eder aander leedsje. ’t Groete versjèl zit ‘m veurnaomelek in ’t thema en de wijs. Daoneve dink iech tot ederein dee e leedsje sjrijf veural ‘ne geistege geis moot höbbe. ’t Winne vaan ’t vastelaovendsleedsje is in gein wäörd te besjrieve. Zeker umtot ’t veur miech d’n ierste kier waor. Dat te kinne deile mèt mien vrun vaan “de Aspergepiepers” waor ouch e sjoen momint. De reis dao naotouw en alles wat denao op diech aofkump, ’t blijf geweldeg. Daan noe ’t perces vaan e leedsje.

Lees wijer

Mie verbinding mèt en tösse inwoeners

In 2022 kaom ‘t stadsbestuur vaan Mestreech mèt e nui coalitieakkoord. D’n titel lojt: Maastricht, stad van verbondenheid. De ambitie is helder: mie verbinding mèt en tösse bewoeners. ‘n Belaankriek oonderdeil daovaan is ’t Mestreechs, boemèt de lui lètterlek en figuurlek dezelfde taol spreke. ‘n Sjoen oonderdeil vaan ‘t akkoord is tot zie initiatieve roond ’t Mestreechs oondersteune. Dao weure veer netuurlek hiel blij vaan! Veer holpe ‘t stadsbestuur daorum ouch mèt de vertaoling vaan ‘t coalitieakkoord nao ’t Mestreechs.

Lees wijer

Lei Bovens is de winner vaan ’t Groet Mestreechs Dictee 2025

‘t Groet Mestreechs Dictee 2025 dat zoondag 1 juni woort gehawwe in het Centre Céramique is mèt mer 5 foute gewónne door Lei Bovens. De nómmers 2 en 3, Vivianne Rijnders en Manon Vaessen maakde eder mer 11 en 14 foute. Per persoen woorte gemiddeld 32,4 foute in ‘t dictee gemaak. Mie es 90 lui doge mèt aon ‘t dictee.

Lees wijer