16 oktober 2021 Verhaol op de Krök

Veldeke Krink Mestreech heet 'n creatieve meneer bedach um onverkochte beuk op 'n alternatieve meneer in te zètte. Door ze neet bij 't aajd pepier te zètte, meh prachtege bokekrökskes devaan te make. Die krökskes höbbe v'r gesjoonke aon de Universiteitsbibliotheek vaan de Universiteit Mestreech.

De krökskes zien gemaak door Talent Zorgbureau, 'n bureau veur oplosgeriechte zörg. 

De beuk die in de krökskes zien verwèrk, zien in 't Mestreechs. Veur alle internationaole studente die de bibliotheek bezeuke, zal de herkoms neet geliek dudelek zien. Daorum zien alle krökskes veurzeen vaan 'n QR-code. Dees QR-code verwijs nao 'n website boe me 't 'Verhaol op de Krök' kin beluustere, e geluidsfragminte oet de gebruukde beuk. Dao vint me ouch 'n Nederlandse én Ingelse vertaoling vaan d'n teks. 

Op vriedag 22 oktober weure de krökskes aon de Universiteitsbibliotheek oetgereik en stèl gestande bij dees sjoen samewèrking tösse Veldeke Krink Mestreech, de Universiteitsbibliotheek en Talent Zorgbureau.

De geluidsfragminte zien te belustere op: www.veldekemestreech.nl/verhaol-op-de-krok