Groet Mestreechs Dictee 2020

Jaomer genóg höbbe veer mote beslete tot 't Groet Mestreechs Dictee 2020 op zoondag 27 september neet doorgeit.

'n Evenemint organisere in coronatied vreug väöl vaan 'n organisatie. De höbs mèt hiel väöl regels en riechlijne te make, die ouch nog ins eder momint kinne verandere.
Die riechlijne beperkde us mie en mie in de organisatie vaan 't Groet Mestreechs Dictee.

't Woort veur us ummertouw lesteger um 'n evenemint neer te zètte wat kwalitatief bijdreug aon de promotie vaan de Mestreechter taol én boebij tegeliekertied de veilegheid vaan deilnummers, vrijwèllegers en bezeukers is gegarrandeerd.

Wat v'r ouch prebeerde, v'r lieverde altied op ein vaan dees zake in. En dat wouwe v'r neet.
En dus kóste v'r spieteg genóg, same mèt André Rieu, neet aanders concludere es tot v'r 't Groet Mestreechs Dictee 2020 móste aofbloze.

Veer goon devaan oet tot v'r in jannewarie d'n daotum veur 't Groet Mestreechs Dictee 2021 bekind kinne make.

En tot v'r daan zjus wie aander jaore weer e geweldeg evenemint kinne organisere.

Mèt hopelek minder - of leefs gaar gein - coronaregels.

Dat gief diech nog minimaol 'n haaf jaor extra tied um te liere ????.

Tot deen tied:

Blijf sjrieve, maile en Appe in 't Mestreechs!

Activiteite en oetgaoves

Veldeke Krink Mestreech

Kontak

Social Media