40 JAOR LEESPLENKSKE
Gesjreve door Phil Dumoulin (2023)
- Kiek wie aondonelek dat kinneke in de bewaorsjaol aon die lótsj zoek.
- Iech höb m’n tuut vol vaan die flódderbrook, zag d’n oonnöt en heer góng ziech verkleie.
- Zie liekende zjus ’n hin mèt häöre cache misère en häör gelakkeerde sjeun.
- Of heer noe speebagk, tête de veau of kabbeljaw it, altied is heer aon ’t gösjele wie ‘ne kuusj.
- Wat wèlste, vroog de bleikesjieter, andievie, kuulderaab of poor?
- Aon ‘nen hummesslip nejt me dèks ‘nen extra knoup.
- De gezèt steit weer vol kölkook, zag de laammeker
- Pas op totste d’ch neet bevojls bij ’t aonsteke vaan dee bougie.
- Nao ’n oor op die sjogkel bleek z’ne brokeboojem nao d’n hasjemedeie te zien.
- De pestoer sjikde ’t kräölke nao hoes, umtot heer in de mès had zitte joechele.
- In gaodsnaom, sjei oet mèt saajele en bring dee kengkee nao de kringloup.
- Zie lag dat hemfelke wörtelkes same mèt de knópsèlderij in ’n zeibaor
- Umtot de spies neet dougde, kaom e stök walmoer nao oonder.
- Dat sjinaos had stèllekes oet die does e sjóklaatsje gepik en verstoompeld.
- Mèt hunnen twiekes stoonte dee krollebol en die mèlkmojl ziech te pune bij de Mestreechter Geis.
- ’t Bruutsje lag illegant ’n tuut knebkes neve ’t bruudsje in häöre körf.
- ’n Ganse kompenei trok bij die mannifèstatie sjeigelentere euver de maosbrögk.