De kaverleefde vaan Zjengske
- Gere wèl iech uuch get vertèlle euver de kaverleefde vaan Zjengske.
- Zjengske zit op zien zestiende netuurlek neet mie op de kaksjaol, dat zouw sjoen zien.
- Heer poejakkert allewijl hiel hel in de lèste klas vaan de HAVO, in dee groete bouw aon d’n Toongerseweeg.
- Op de sjaol, boe vreuger ‘ne relizjieuze bouw waor, is ’t veur euze aonkoumerling, gaodsoonmeugelek um zoonder opoonthaajd alle lèsse op tied te volge.
- Heer heet mie op mèt de Mestreechter taol daan mèt de Nederlandse, meh mesjiens kump dat wel umtot heer ziene lieraar Nederlandse ‘ne wawweleer vint.
- Al e jaor of twie heet Zjengske ’n relatie mèt e meidske vaan à-la-kom-krieg-miech oet de Taofelstraot.
- Eder jaor hölp Zjengske, en ouch zie vrundinneke, mèt op d’n awwemerret vaan de Verkennersband.
- Ze perbere daan alderhande kiksjozerije vaan de hand te doen.
- Dinger die eder jaor passere wie naomsjèldsjes, e modergäödske, ‘ne zèlvere brazzelèt, krevatte, e zeibäörke, ‘ne memmestieper, häökskes, ’n göts, ‘nen ölger, ‘ne priedieu, ‘ne houte slivvenhierebieske, bokestäönders, e nejkiske, ’n tróffelsjöp, kazjevèkskes, ‘ne vröchtevringer, drejbenk, cuisinièrekes, crocheernäöjekes, hègkesjiere en aof en touw ouch ‘ne cache misère.
- Op dit momint wèrk Zjengske, in zien vrij ore, veur ’t mazjèstueus Mabi-hotèl.
- Es Zjengske mèt feuilletédeig aon ’t bródzjele is, daan bezjoert de chèfkok ederein nao boete.
- Zjengske vint de chèf ‘ne riechetege savojaar, zeker es dee roondblaajert tot zien kookkunste aofsjuielek zien.
- Boete zien wèrkzaomheid in de keuke heet heer aof en touw ouch wel ins e bäonsje boekbij heer eipersoensbèdde moot opmake, sjamberlókke moot vawwe en sjöddeköl kin zètte.
- Vaan zien zoer verdeende cent in ’t hotèl koch heer vreuger alderhande oonderdeile veur ziene brommer.
- Noe ’t mèt zie pupke gein kaverleefde mie is, moot heer zie geld aon häör besteie.
- ’t Leefste köp heer häör ederen daag ‘ne zèlvere niksefiks, es heer mer zie muilke krijg bij ’t aofsjeid aon de deur.