Prof. Roerschstraat 9
6224 CG Mestreech
info@veldekemestreech.nl
Veldeke Krink Mestreech heet es veurnaomste doelstèlling ’t leveteg hawwe vaan de Mestreechter taol. Neve de taol prebere veer ouch de belangstèlling in de stad Mestreech bij de inwoeners te verhuge. Zoe gief Veldeke Krink Mestreech riggelmaoteg beuk oet, die óf in ’t Mestreechs zien gesjreve, óf oonderwerpe behandele die get mèt Mestreech te make höbbe.
Mèt eur lidmaotsjap draag geer financieel bij aon de totstandkouming vaan activiteite en oetgaoves. Es lid krijg geer korting én veurrang bij eus activiteite en bij de verkoup vaan eus oetgaoves.
Zoe’n 10x per jaor oontvangk geer per e-mail vaan us ‘ne nuitsbreef mèt dao-in al eus activiteite en acties.
Es lid vaan Veldeke Krink Mestreech zeet geer otomatisch ouch lid vaan eus moojerorganisatie Veldeke Limbörg. ’n Deil vaan eur lidmaotsjapsbijdrage weurt aofgedrage aon Veldeke Limbörg um de provinciaole lobby vaan de Limbörgse dialekte en streektaol te financere. 2x per jaor oontvangk geer ‘ne nuitsbreeef vaan Veldeke Limbörg euver hun activiteite.
Veldeke Limbörg verzörg veur eus ’n deil vaan de lede-administratie. Nao insjrieving krijg geer vaan hun de bevestieging en wijere informatie touwgesjik.
Geer kint uuch op eder momint weer oetsjrieve, door ‘nen e-mail te sjikke nao info@veldekemestreech.nl.