Op dees meneer geit Veldeke Limburg op tournee langs al häör 10 lokaol kring oonder ’t motto “Veldeke op paad”. Bij edere krink zalle ander artieste optrejje, deils oet de plaots zelfs, deils oet ander regio’s vaan Limburg. Bij edere krink zal ouch ‘ne speciaole zjubeleipenning weure oetgereik aon iemes dee ziech lokaol verdeenstelek heet gemaak veur de Limburgse taol of veur Veldeke. Dezen tournee vörmp d’n aonluip nao de Groete Zjubeleiviering op zaoterdag 23 mei in ’t Toon Hermans Theater in Zitterd. Bij dees viering zien alle lede vaan Dialekvereineging Veldeke en hun introducés vaan harte welkom.
-
16.05.2615.00 - 17.00
Veldeke op Paad
Op zaoterdag 16 mei kump Veldeke Limburg nao Mestreech um häör 100-jaoreg zjubelei te viere. Daan vint vaanaof 15.00 oor op Plein 1992 ’n manifestatie plaots boebij versjèllende artieste vaan binne en boete Mestreech hun dialekleedsjes laote hure. Mestreech is vertegenwoordeg door John Tana, Roger Borgman en Jelke Schijlen. Vaan boete Mestreech koume oonder andere Femke Philippens oet Zumpelveld en Hans Geerkens oet Viele. Daoneve kint ’t publiek ouch mèt doen aon ‘ne ludieke dialekquiz boebij leuke prijskes te winne zien. ’t Program zal ’n oor of twiedore. De manifestatie is veur ederein gratis touwgaankelek.