Subnavigatie
Euver de Krink Mestreech

Eus verhaol

De Mestreechteneer is gruuts op Mestreech. Neet allein op de historische gebouwe, de Mestreechter Geis en de Vastelaovend. Mer veural ouch de taol maak eus stad bezunder. Al iewelaank is de Mestreechter taol ’n vaste weerde. Oondaanks alle invlode vaan boete-aof sprik nog altied ‘ne groete gróp lui de taol. Daankzij oonder mie Franse en Duitse invlode is die taol zelfs enorm verriek. En ouch noe nog weurt ’t Mestreechs neve ’t Nederlands en ’t Ingels volop gesproke en gesjreve.

Veldeke Krink Mestreech heet es ideaol tot ’t Mestreechs blijf leve es eigetijdse modern taol. Gesproke en gesjreve, door joonk en aajd en mèt aondach veur spelling, stijl en grammatica.
Daorum zètte veer us mèt leefde in um lui te enthousiasmere um Mestreechs te goon en te blieve spreke en sjrieve.

Dat doen veer door:

  • Reklaam te make veur ’t Mestreechs en ’t gebruuk vaan de taol (promotie)
  • Uuch te helpe um Mestreechs te verstoon, te spreke, te leze en/of te sjrieve (educatie)
  • Eur vraoge euver ’t Mestreechs te beantwoorde en/of op eur verzeuk eur tekste te corrigere (consultatie)
  • Beuk, meziek en aander zake wie beveurbeeld ’t Mestreechs leesplenkske oet te bringe in ’t Mestreechs en/of activiteite wie ’t Veldeke Vastelaovendscabberèt te organisere (documentatie)

Dat doen v’r neet allein. Dat doen veer gere same mèt aander vereineginge, bedrieve en aander organisaties. En same mèt uuch.

Boerum?
Veur ’t Mestreechs!