23 fibberwarie 2023 Veurgestèlde statutewijzeging

Es vereineging maakste aofspraoke wieste geis samewèrke. Dees aofspraoke zien vasgelag in de zoegenaomde statute. In die statute steit oonder mie wat eus doelstèlling is en watste es bestuur en lid wel of zjus neet maags doen um dat doel te bereike. De statute vaan eus vereineging zien opgestèld in 1984 en in de aofgeloupe bekans 40 jaor neet veranderd.

Es bestuur wèlle veer gere de statute modernisere en e paar aofspraoke verandere. De statute zien neet mie vaan dezen tied. Zoe kóste veer in de corona-periood de ALV neet digitaol hawwe, umtot dat neet waor geregeld in de statute. Dat wèlle v’r noe verandere.

Neve de statutewijzeging wèlle veer ouch ’n Hoeshajdelek Rigglemint in ’t leve rope. In ’t Hoeshajdelek Rigglemint höbbe v’r aofspraoke, regels en riechlijne gezat es aonvölling op de statute. ’t Besjrijf de daogelekse gaank vaan zake. Veur ’t opzètte en verandere vaan ’t rigglemint hove v’r neet nao de notaris, wat tied en cent spaort. Es lid stump geer ouch euver d’n inhaajd vaan ’t rigglemint.

--> Lees hei mie euver de veurgenome statutewijzeging

Alle documinte die nudeg zien veur dees statutewijzeging

Statute vaan noe
Nui statute
Euverziech mèt wijzeginge
Hoeshajdelek Rigglemint
Volmachformuleer