Prof. Roerschstraat 9
6224 CG Mestreech
info@veldekemestreech.nl
26 aprel 2021
Veer höbbe dien hölp nudeg!
Höbste eve tied veur us? E paar menuutsjes vaan dienen tied helpe us, Veldeke Krink Mestreech, um e beter beeld te kriege; kinste us en zoe jao, wat vinste vaan eus activiteite?
19 aprel 2021
Nuie (woernummend) veurzitter
Bij de Algemein Ledevergadering, die vaanwege covid-19 verplaots is nao 13 oktober, zal Carlo Schrijnemaekers weure veurgedrage es nuie veurzitter vaan Veldeke Krink Mestreech. Umtot Hortense Brounts al per 1 april is aofgetrooje zal heer in de tössetied al fungere es woernummend veurzitter.
19 aprel 2021
Hortense Brounts nump aofsjeid es veurzitter
Nao 21 jaor lid te zien gewees vaan ’t bestuur, boevaan 11 jaors es veurzitter, dreug Hortense häör take euver aon de volgende ginneratie. In 2010 trooj zie es veurzitter in de vootstappe vaan häöre pa, Pol Brounts Zaoleger. Jaorelaank waor zie ’t geziech vaan Veldeke Krink Mestreech en daomèt ouch ’t Mestreechs. Oonder häör veurzittersjap is oonder andere verjonging vaan de vereineging wijer doorgeveurd.
19 aprel 2021
Hortense Brounts iere-lid Veldeke Limbörg
Bij de lèste bestuursvergadering oonder häör leiing woort Hortense Brounts verras door 'n aontal fèlmkes mèt persoenleke afsjeidswäörd vaan oonder mie häöre veurgenger Els Ottenheijm, börgemeisterse Anne-Marie Penn-te Strake, gouverneur Theo Bovens en André Rieu. Allemaol bedaankde zie häör veur wat zie had gedoon veur de Mestreechter taol es veurzitter vaan Veldeke Krink Mestreech.
20 fibberwarie 2021
Kinder en hun moojertaol
Op 21 fibberwarie viere v'r d'n Internationaolen Daag vaan de Moojertaol. Op verzeuk vaan Veldeke Krink Mestreech heet sjrijfster en lierkrach Vivianne Rijnders e stökske gesjreve euver kinder en hun moojertaol.
Wie goon kinder um mèt de versjèllende moojertaole op sjaol?
