18 fibberwarie 2021 Daag vaan de Moojertaol op L1

In samenwèrking mèt Veldeke Limbörg gief L1 op zaoterdag 20 fibberwarie aondach aon d'n Internationaolen ‘Daag vaan de Moojertaol’.
Op 21 fibberwarie weurt euver de ganse wereld d'n daag vaan de Moojertaol gevierd.

Veldeke Limbörg veurzitter Christine van Basten-Boddin, tevens börgemeister vaan Beek, heet al häör collega’s in Limbörg gevraog um 'n bijdrage te lievere. De börgemeisters én gouverneur Bovens höbbe 'n bondeg en pakkend pleidooi veur hun moojertaol. Daobij huurt ederskier 'n dialectleed.

Welke börgemeister liet de 'R' gere rolle en in welke börgemeisterswoening klink 't plat Amsterdams riggelmaoteg door de hoeskamer. Kees gouverneur Bovens veur 'n algemein Limbörgs leedsje of krup zien Mestreechs blood boe 't neet goon kin?

Luuster op zaoterdag 20 fibberwarie nao L1 radio. Dao huurste eder oor uur ein vaan ’s Limbörgs börgemeisters en 't bijbehurende leed. Ouch in 't dialectprogramma Plat-eweg kump e rijke börgemeisters mèt hun verhaol aon bod. Op de social media-kenaole vaan L1 zien de fèlmkes te zien.