't Verhaol vaan eus Taol
Veur: € 15,00
Koupe
Extra informatie

Flor Aarts woort in 1934 in Mestreech gebore. In 1953 deeg heer indexame gymnasium aon ’t Henri van Veldeke College. Vaan 1953 tot 1958 studeerde heer Ingelse Taol- en Lètterkunde aon de Katholieke Universiteit in Nimwege. Dao gafo heer vaan 1959 tot 1994 oonderwies in de Ingelse taolkunde, de lètste 15 jaor es hoeglieraar. In 1994 kaom heer mèt zien vrouw nao Mestreech trök.

Zien ierste publicatie euver ’t Mestreechs, The dialect of Maastricht, die heer same mèt ziene collega Garlos Gussenhoven sjreef, versjeen in 1999 in Journal of the International Phonetic Association. Dit artikel (in ’t Ingels) besjrijf ’t klaanksysteem vaan ’t Mestreechs. In 2001 publiceerde de Veldeke Krink Mestreech zien grammatica Mestreechs, Eus Moojertaol. Mèt Ben Salemans sjreef heer Maastrichts, wat in 2002 oetkaom in de reeks Taal in Stad en Land vaan de Staatsdrukkerij. Zien Dictionairke vaan ’t Mestreechs woort in 2005 door de Stichting Onderweg gepubliceerd. In datzelfde jaor versjeen ouch Boekèt Mestreechs, ’n blomlezing mèt proza, poëzie en leedsjes, die heer, op verzeuk vaan de Veldeke Krink Mestreech, samestèlde mèt Lou Spronck.

Oetgaof: 2009
Auteur: Flor Aarts
ISBN: 978-90-810787-5-7
Trök nao euverziech