Kinderkemissie

De kinderkemissie vaan Veldeke Krink Mestreech wèlt de kinder die in Mestreech woene bewus make vaan ’t Mestreechs en daoneve interessere veur de stad Mestreech. 

Veer organisere twie kier per jaor ’n evenemint veur de kinder vaan de basissjaole in de stad:

  • Tege de Keersemes ’ne Keersemesspeurtoch door ’n oonbekind(er) stökske Mestreech en
  • tege ’t ind vaan ’t sjaoljaor ’ne boetespeul-middag mèt Mestreechse späölselkes.

Wijer goon v’r koumend jaor op 21 fibberwarie – d’n internationaolen daag vaan de moojertaol – um aondach te ginnerere veur deen daag, e kort fèlmke aonbeeje aon alle basissjaole, wat ze kinne aofspeule op hun “smartboard” in de klas.

V’r speule in op eveneminte die in de stad plaotsvinde zoe wie in 2018 de Heilegdomsvaart boeveur veer ’ne twietaolege lèsbreef (Mestreechs en Nederlands) opstèlle veur de basissjaole.
Lede Kinderkemissie
  • Paola Schrijnemaekers
  • Liny Gulikers-Bastiaens
  • Judith Wolfs
  • Lilian Limpens
  • Hortense Brounts