Vief jaor geleie brachte Will Wintjens en Phil Dumoulin, oeteraard
bekind vaan eus Vastelaovends Cabberèt, 'ne cd oet mèt d'n titel Inkel Mestreech(s). Noe, vief jaor later, is 't vervolg op deze cd e feit.
Mèt d'n titel Rundsje Mestreech(s) zien 'n vieftiental nómmers
die aonvaankelek gesjreve zien veur 't Veldeke Vastelaovends Cabberèt
noe veur ieweg vasgelag. En 't rizzeltaot maag gehuurd weure.
D'n ierste cd woort op zoondag 15 november op 'n fiesteleke meneer
aongebooje aon de minister vaan economische zake, Maria van der Hoeven.
Will Wintjens nump 't groetste deil vaan de nómmers veur zien rekening.
Meh ouch Phil Dumoulin, Hortense Brounts en Twajn Weijenberg zien op
Rundsje Mestreech(s) te hure. Zie weure daobij muzikaol begeleid door
't combo oonder leiing vaan Ben Perry.
Wèlt g'r Rundsje Mestreech(s) zelf beluustere, of mesjiens kedo geve? Veur € 14,95 is ze te koup bij:
- De Kiekoet (Hègkesträötsje / Rechstraot)
- VVV Mestreech (Kleine Staat)
- De Chauvinis (Achter 't Vleishoes)
Agenda
16 fibberwarie 2011
Vastelaovends Cabberèt 2011 Boe: La Bonbonnière Wienie: 16 t/m 20 fib. 2011 ...'t doort nog eve, meh daan kint g'r dat al in eure nuie callepin notere!
Hortense Brounts nuie veurzitter
Iech zal ’t uuch mer metein vertèlle: Iech bin geinen echte
Mestreechteneer. Mien ma waor vaan Sint Gietere. In de ouge vaan echte
Mestreechtenere ’n boerin dus. En daobij kump nog ins, minstens eve
benkelek; iech bin neet binne de Singels gebore. Um zjus te zien: iech
bin óp 'ne singel gebore. Op d'n Hertogsingel um perceis te zien. Meh
aon de verkierde kant. Aon d'n euverkant zoegezag. En g’r wèt: de
singel is de grens en al wat dao boete vèlt, tèlt neet mèt. Noe zalt
g’r zègke: 'Zoe hawwe veer wel mer wieneg échte Mestreechtenere euver'.
Dat klop!
Tot geer miech – ‘n neet echte Mestreechse – zoonder
verzej tot veurzitter vaan de Veldeke Krink höb gekoze! Zjus noe, wie
de gezèt vol steit vaan deen échte Mestreechter Geis. Dee Mestreechter
Geis dee ederein dee neet hei gebore is in klaor taol liet wete tot ‘r
ziech neet demèt moot bemeuje. Allein wee de Geis heet, maag mètpraote.
En dat zien 'rs neet väöl, este de gezèt maags geluive...
