Wèlt g’r lid weure vaan Veldeke Krink Mestreech, daan kint g’r op deze website ’t aonmelformuleer invölle. De koste veur ’t lidmaotsjap zien € 26,- per jaor. Wee lid weurt vaan de Krink Mestreech, is otomatisch ouch lid vaan de euverkoepelende vereineging Veldeke Limbörg.
Es lid vaan Veldeke Krink Mestreech proffiteert g’r vaan kortinge op nui oetgaof vaan beuk of weurt g’r in staot gestèld um veurrang te kriege op d’n touwgaank tot versjèllende activiteite of veurstèllinge.
Meh belangrieker nog; G’r steunt door eur lidmaotsjap de initiatieve vaan de Krink Mestreech um de taol leveteg te hawwe en maak daomèt ouch de oetgaof vaan nui beuk en publicaties in en euver ’t Mestreechs meugelek, zoetot eus taol ouch in gesjreve vörm veur de koumende ginneraties bewaord blijf.
Höb g'r nog vraoge euver 't lidmaotsjap, nump daan kontak mèt us op via info@veldekemestreech.nl. Höb g'r geinen e-mail, kiek daan bij eus kontakgegeves op de pagina kontak.
E tiedsje geleie woort miech gevraog um 'ne column te sjrieve veur op dees site. Es Italiaon zeende voolt iech miech zier verierd, meh daoneve ouch e bitteke oonzeker umtot 't stök oongetwiefeld in 't Mestreechs mós weure gesjreve, en neet in mien eige vertrouwde 'Italiano'. Es iech leedjes sjrijf haw iech altied d’n Digi-Dictionair örges in beeld zoetot iech gaw de correcte vertaoling veur han höb. Daoneve laot iech ze, alveurens te publicere, controlere door Bèr Dictionair. Mochte d'r daan nog foute in zitte, kin iech häöm teminste de sjöld geve!
De lèste maond höb iech bekans oonaofgebroke zitte wèrke aon m’ne nuie cd mèt es titel: ‘Extra Kies’. De mieste vaan uuch zalle de link al gelag höbbe; 'ne pizza boe extra väöl kies op zit. Dao kin iech uuch, es iech zègk tot 't huuske oetzuut wie 'n pizzadoes en de cd wie 'ne pizza formaggio, gein oongeliek in geve.
Meh in de nui Mestreechter straottaol heet 'kies' nog 'n twiede beteikenis...
